Германец, кој лажел на касата на една самопослуга, ќе мора да плати казна во висина од 208,000 евра, односно 12 милиони денари.

Судот во Минхен го осудил овој бизнисмен за крадење затоа што се обидел да плати телешко месо во вредност од 47 евра како ефтино овошје. Мажот, чиј идентитет не е објавен, претходно ја направил истата работа поради што бил обвинет за кражба и затајување на данок.

Судот за висината на паричната казна вели дека ја донел на основа на неговите месечни приходи, кои изнесуваат 24,000 евра.

Портпаролот на судот во Минхен, Клаус-Питер Јунгст изјави дека Германецот не се жалел на пресудата.