Државната изборна комисија ги соопшти резултатите од 100 отсто од обработените гласови од претседателските избори, со кои беше потврдено дека кандидатот на СДСМ, Стево Пендаровски е изгласан за претседател на земјава.

Со тоа, неговата сопруга Елизабета Ѓоргиевска влегува во улогата на Прва дама на Северна Македонија.

Проф. д-р Елизабета Ѓоргиевска, која вчера го прослави својот 47. роденден, е вработена на Клиниката за детска и превентивна стоматологија и е професорка на Стоматолошкиот факултет при УКИМ во Скопје.

Елизабета и Стево се во брак 20 години и заедно имаат едно дете – синот Огнен. Тие постојано потенцираат дека семејството им е најважно.