Филипче ќе патува за Грција, ќе договара отворање на границите и аеродромите

 Breaking News

Филипче ќе патува за Грција, ќе договара отворање на границите и аеродромите

Филипче ќе патува за Грција, ќе договара отворање на границите и аеродромите
May 14
11:32 2020

Од денеска, Здравствените власти почнуваат со регионални состаноци заедно претставници од владите во регионот по најавите на дел од соседните земји за отворање на границите, јавува Прес24.

Венко Филипче, Министерот за здравство за отворањето на границите вели дека е многу важен координиран пристап.

Од исклучителна важност е координиран пристап во однос на транзитот, посетите и здравствените протоколи кои што ќе се имплементираат за побрзо и побезбедно патување во текот на летото.

Европската комисија вчера излезе со пакет мерки за патување во Европската Унија каде што ќе се препорача ваков координиран пристап за олеснување на рестриктивните мерки.

И ние ги почнуваме препораките , денес ќе патувам на состанок со министерот за здравство на Грција. Ќе размениме искуства за досегашното менаџирање на кризата кое треба да помогне и за понатамошната битка со коронавирусот.

Ќе разговараме и за подготовка за следниот период за кога се очекуваат нови пикови и најважното, отворањето на границите и аеродромите, имајќи предвид дека нашата земја повторно ќе го отвори коридорот север – југ кој е многу оптоварен во летните месеци“, рече министерот Филипче.

Тој нагласи дека вчера ги регистрирале бројните реакции на јавноста во однос на одлуката да се дозволи посета на функционери на соседни земји.

Уверува дека не станува збор за ништо друго освен состаноци за координирање на активности за мерките за кои треба регионален пристап.

Нема било кои функционери да патуваат, објасни министерот Филипче.

Ваквите патувања е предвидено дека ќе се одвиваат согласно препораките на Комисијата за ЗБ и по протокол од Комисијата. ИзворПрес24.

Related Articles