Советот на јави обвинители денеска треба да избере нов претседател на местото на Коле Штерјев чиј двегодишен мандат истекува на крајот на месецов.

Штерјев вчера во изјава за медиумите потврди дека на денешната седница ќе се избира неговиот наследник, без да прецизира имиња на можни кандидати.

Претседателот на Советот на јавни обвинители се избира од членовите со тајно гласање. Неговиот мандат трае две години, без право на повторен избор.

Досегашниот претседател Коле Штерјев беше избран на 31 август 2017 година. Дојде на местото на дотогашниот претседател Петар Аневски. Штерјев е член на Советот на ЈО од 2016, а претходно бил дел од Вишото јавно обвинителство и Обвинителството за организиран криминал. Извор: Прес24.