Датум за пpeговори cамо за Македонија, јавува Pојтеpс

 Breaking News

Датум за пpeговори cамо за Македонија, јавува Pојтеpс

Датум за пpeговори cамо за Македонија, јавува Pојтеpс
October 06
14:12 2019

МИА објави дека драфтот вели со оглед на постигнатиот напредок, ЕУ одлучува да започне пристапни преговори со Северна Македонија, и додава дека првата меѓувладина конференција односно првиот состанок помеѓу земјата аспирант и ЕУ треба да се одржи до крајот на 2019.

Според информациите на Pојтеpс, Германија предлага одвојување на Северна Македонија и Албанија во обид да постигне компромис помеѓу сите земји членки на ЕУ на 15 октомври.

Според планот предложен неделава до министрите на 28-те земји членки кои треба да дискутираат кон средината на октомври е можен компромис помеѓу оние се обидуваат да ги приближат балканските земји до ЕУ и оние кои пружаат отпор како Франција, Холандија и Данска, пишува Pојтеpс.

Агенцијата потсетува дека Германија пред неколку недели гласаше за почеток на преговорите со Северна Македонија и Албанија, но со дополнителни услови за Тирана.

Во нацрт-заклучоците на Советот на министри се предлага Северна Македонија да ги започне преговорите пред крајот на оваа година, но не и Албанија.

Драфтот вели: со оглед на постигнатиот напредок, ЕУ одлучува да започне пристапни преговори со Северна Македонија, и додава дека првата меѓувладина конференција односно првиот состанок помеѓу земјата аспирант и ЕУ треба да се одржи до крајот на 2019-та.

Иако начелно нацрт-заклучоците предвидувале иста реченица и за Албанија, таа е отстранета во последната верзија и не се предлага датум за првата меѓувладина конференција со Тирана, наместо тоа се набројуваат неколку претходни услови, пред сѐ во делот на судството и борбата против корупцијата.

ЕУ дипломат, меѓутоа, за Pојтеpс вели дека усвојувањето на овие заклучоци ќе зависи од Франција, каде одлуката ќе ја носи лично Емануел Макрон.

Текстот нагласува дека Холандија, друга земја со големи резерви кон проширувањето, е повеќе наклонета кон Северна Македонија отколку кон Албанија.

Иако е предвидено одлуката да се донесе на 15 октомври во Луксембург, не е исклучено досието да се префрли на самите шефови на држави и влади каде Меркел и Макрон ќе се обидат да постигнат компромис.

Според Pојтеpс, две опции се можни, едната е да се дадат дополнителни услови пред да започнат преговори, другата е да се одвојат Северна Македонија и Албанија. Извор: МИА.

Коментари

Њуз24 се оградува од коментарите на содржините

Related Articles