На социјалните мрежи веќе кружат видеа, а забележано е и како работни машини се обидуваат да го расчистат одронот на патот Росоман – Прилеп.

Утрово од 05:55 часот регионалниот пат Росоман- Прилеп, кај м.в.„Трите ленти“ е затворен за сообраќај поради одрон на патот, јавуваат од АМСМ.

На видео снимките се гледа дека има наноси и вода која има однесено камења и земја, каде што е настанат и голем одрон на патот.

Нема сеуште информации колку време ќе биде потребно за да се расчисти одронот и да се нормализира сообраќајот.

Од двете страни, како и на видео снимките се гледа дека граѓани чекаат патот да биде прооден.