„Тур де Галичица 2016“ велосипедска тура по падините на Галичица

 Breaking News

„Тур де Галичица 2016“ велосипедска тура по падините на Галичица

„Тур де Галичица 2016“ велосипедска тура по падините на Галичица
June 19
11:47 2016

На падините на Галичица денеска ќе се одржува трета по ред велосипедска тура „Tour de Galicica“, во организација на велосипедското друштво „Преспа бајк“ од Ресен. Настанот е поддржан од Општина Ресен и од SWG (меѓуминистерска работна група за рурален развој од земјите на западен Балкан).

13445244_1101093393310154_3655213924281003949_n

Организаторот очекува да учествуваат над 400 велосипедисти од Македонија и од Албанија. Почетокот на ревијалната велосипедска тура е во 9 часот од плоштадот во Ресен. ­ Промовирајќи ги универзалните вредности на здраво живеење, велосипедистите во Преспа ќе имаат одлична можност да ги запознаат убавините на Националниот парк „Галичица“ низ кој на оф­роад патека ќе возат 35 километри. Останатите 35 километри ќе ги возат низ локалните патишта во Ресен, најави организаторот.

7af79b96-6860-49dc-bc89-91dd5d6e29a8.jpg.1920x0_q95_crop

Општина Ресен заедно со SWG преку програмата „Луѓе за луѓе “ оваа година обезбеди оперативна помош за реализација на „Tour de Galicica“. Ангажирани се локални водичи кои ќе ги придружуваат велосипедистите, како и горска служба за спасување од Црвениот крст во Охрид, која за време на настанот ќе биде распоредена на планината Галичица. За учесниците, кои доаѓаат од сите краишта на Македонија, поставен е базен­камп на плажата пред хотелот „Лејк Вју“ во Отешево, каде од вчера логоруваат во шатори. Во пресрет на турата, вчеравечер во Отешево беше организиран и музички хепенинг за учесниците.

Линк од рутата https://www.bikemap.net/en/route/2947774-tur-de-galichitsa/

Related Articles