Едно лице загина, а друго е тешко повредено во сообраќајна несреќа што вчера околу 9:45 часот се случила во Галичник. Од полицијата за Телеграф потврдија дека несреќата се случила на патот од селото кон хотелот „Неда“ кога 74-годишниот З.Д. од Маврово управувајќи „ленд ровер“ излетал од патот во бездна, удрил во потпорен ѕид и застанал на пат што води кон Долно маало во селото.

На самото место животот го загубил возачот, а со тешки повреди се здобил сопатникот М.Р. (37) од селото Присојница, кој по укажаната лекарска помош во гостиварската болница е пренесен во Ургентниот центар во Скопје.

Увид на местото извршиле полициска екипа и јавен обвинител.