Џереми Лонг (37) е втор советник во Амбасадата на Велика Британија во Белград, а каде и да се појави привлекува внимание со својот олдтајмер.

„Во Италија видов „Фиат 600“. Потоа во Белград сфатив дека „Застава“ има скоро идентичен автомобил. Бидејќи многу ми се допадна си го купив како подарок за православен Божиќ“, објаснува Џереми на чист српско-хрватски јазик.

Џереми тврди дека „Фиќото“ е одлично возило за Белград, бидејќи може да се паркира било каде.
„Луѓето прво ќе го забележат автомобилот, а потоа и дипломатските таблички. Тогаш се прашуваат од каде тие на ваков автомобил?“, со смеење објаснува Лонг.