Нема работа после 64 години, сите во пензија, а дамите ќе можат да одберат и на 62 години, вели Заев

 Breaking News

Нема работа после 64 години, сите во пензија, а дамите ќе можат да одберат и на 62 години, вели Заев

Нема работа после 64 години, сите во пензија, а дамите ќе можат да одберат и на 62 години, вели Заев
September 10
21:09 2020

вечерва премиерот Зоран Заев во интервју на МТВ, вели дека: Носиме одлука за задолжително пензионирање за сите вработени на 64 години, а дамите може да одберат да се пензионираат на 62 години.

Тој истакна дека се предвидува можност за вработување на дефицитарни кадри на возраст над 64 години, во случај ако на конкурс за некој стручен профил не се јави никој и тогаш се отвора можноста за вработување стручни луѓе над 64 години.

Втората важна компонента во рамките на реформите на пензискиот систем е пред полнење на 64, односно 62 години да може да се докупи стажот, истакна Заев, додавајќи дека се отвора можноста граѓаните за тие пет години да ги платат придонесите за пензиско осигурување и може да заминат во пензија.

Тој појасни дека сумата на придонесите за пезниско осигурување за тие пет години е 18,4 проценти од платата, односно до 2.500 евра.

Ние мораме да го заштитуваме пензискиот фонд и истовремено отвораме нови работни места, пензискиот фонд мора да го држиме стабилен да дава редовно пензии, но и да обезбедува пензии за идните пензионери, нагласи премиерот Зоран Заев. Извор А1он.

Related Articles