Детали за авионот од Скопје кој со 24 позитивни патници слетал во Финска, ќе има и карантини

 Breaking News

Детали за авионот од Скопје кој со 24 позитивни патници слетал во Финска, ќе има и карантини

Детали за авионот од Скопје кој со 24 позитивни патници слетал во Финска, ќе има и карантини
August 11
07:36 2020

Авиокомпаниите ќе мора да ги информираат патниците дека ќе бидат тестирани по доаѓањето во Финска.

На аеродромот во финскиот град Турку во саботата пристигнал авион од Скопје со 157 патници од кои 24 по извршеното тестирање биле позитивни на коронавирусот, соопшти министерката за семејни работи и социјални услуги на Финска Криста Киуру.

Поради тоа Финска ќе воведе задолжителни тестови за коронавирус и карантин за патници од земји со висок ризик, пренесува Ројтерс.

Министерката Киуру информира дека на аеродромот во Турку во саботата било организирано доброволно тестирање на сите патници кои пристигнале со летот од Скопје, откако властите утврдиле дека два неодамнешни авионски летови од Македонија и Романија, се главни извори на нови инфекции со коронавирус во Финска.

Во иднина ќе биде задолжителен двонеделен карантин и ќе се прават тестови за коронавирус за секој што ќе пристигне од земја каде што има меѓу 8 и 10 случаи на коронавирусот на 100.000 жители во последните 14 дена.

Непочитувањето на двонеделниот карантин ќе биде санкционирано со затвор до три месеци или парична ка зна. Финска минатата недела имаше 2,3 заразени на 100 илјади жители.

Во земјата досега се евидентирани 7600 позитивни на коронавирусот.

Related Articles