ВИДЕО: Ќе има топла вода во топланите, Ковачевски вечерва на вонредна прес-конференција

 Breaking News

ВИДЕО: Ќе има топла вода во топланите, Ковачевски вечерва на вонредна прес-конференција

ВИДЕО: Ќе има топла вода во топланите, Ковачевски вечерва на вонредна прес-конференција
September 28
20:02 2022

Економско-енергетскиот совет на Владата вечерва одлучи да почне постапката за издавање лиценца за производство на топлинска енергија од регулиран пазар согласно член 6 од Законот за енергетика на ЕСМ, соопшти вечерва премиерот Димитар Ковачевски. Тој вети дека Владата ќе обезбеди поевтина струја за основните и за средните училишта и за јавните здравствени установи.

На вонредна прес-конференција во Владата, ковачевски рече дека парно за скопјани ќе има.

Економско-енергетскиот совет на Владата штотуку заврши со својот состанок и донесовме одлуки кои се однесуваат на сигурно, стабилно снабдување со енергенси во наредниот период. 

Го повикувам Град Скопје, РКЕ и Комисијата за заштита на конкурентност во најбрзо време да дадат позитивно мислење за одлуката со што ќе се створат услови за целосно функционирање на ЕСМ со топланите.

Обезбедени се финансиски средства за потребните енергенси за топлинска енергија“, истакна Ковачевски.

Тој на прашање на новинарите рече дека топланите Исток и Запад ќе бидат земени под закуп од Адора инженеринг.

Според него, во однос на електрична енергија, и малите потрошувачи ќе добијат сигурна, стабилна и континуирана испорака на електрична енергија.

Осумдесет проценти ја субвенционираме сметката за електрична енергија за 650 илјади домаќинства,

а над 70 илјади компании и други правни субјекти т.н. мали потрошувачи со промет годишен до два милиона евра ќе добијат субвенционирана електрична енергија која е трипати пониска од берзанската.

Дополнително донесовме одлука на регулиран пазар да бидат и основните и средните училишта на територијата на цела држава без разлика што обврската за обезбедување на образовниот процес е на самите општини“, нагласи премиерот.

На вонредната прес-конференција во Владата вечерва, покрај Ковачевски, присутни се вицепремиерот Фатмир Битиќи,

министрите за финансии и за економија, Фатмир Бесими и Крешник Бектеши, министерката за труд и социјална политика Јованка Тренчевска, како и директорот на ЕСМ, Васко Ковачевски.

Related Articles